Святы Айцец прыняў на аўдыенцыі членаў Фонда Яна Паўла ІІ
24 кастрычніка Бэнэдыкт
XVI прыняў на аўдыенцыі прадстаўнікоў “Фонда Яна Паўла ІІ”, арганізацыі заснаванай
благаслаўлёным Папам 30-год таму, па просьбе польскіх эмігрантаў, з мэтай матэрыяльнай
падтрымцы рэлігійных, культурных, пастырскіх і дабрачынных ініцыятыў Апостальскай
Сталіцы.
Бэнэдыкт XVI высока ацаніў працу фонда, адной з задач якога з’яўляецца
таксама захаванне, развіццё і распаўсюджванне духоўнай спадчыны Яна Паўла ІІ праз
збор архіва, бібліяграфічных матэрыялаў і аб’етаў музейнага экспаніравання, арганізацыю
выстаў, кангрэсаў, навуковых і культурных мерапрыемстваў. Святы Айцец падкрэсліў важнасць
практычнай і духоўнай дапамогі пілігрымам, якія прыбываюць у Рым, якая ажыцяўляецца
сумесна з Домам Яна Паўла ІІ у Вечным горадзе.
“Адной з задач, якую вырашае
Фонд і якая мае вялікую чалавечую і культурную каштоўнасць, з’яўляецца аказанне дапамогі
ў сферы адукацыі духавенства і свецкіх, асабліва з краін Цэнтральнай і Усходняй Еўропы”,
- адзначыў Пантыфік. “Затым яны вяртаюцца ў свае краіны, узбагачаючы розныя сферы
сацыяльнага, эканамічнага, палітычнага і касцёльнага жыцця. Я спадзяюся гэта праца
будзе працягвацца і прыносіць багатыя плёны”,- дадаў Папа.