З 31 кастрычніка па
6 лістапада Каталіцкі Касцёл у Пакістане будзе адзначаць “Тыдзень адукацыі”, каб падкрэсліць
важнасць школы для сацыяльнага, эканамічнага і чалавечага развіцця.
У спецыяльным
пасланні да гэтай ініцыятывы пакістанскія біскупы адзначаюць, што “адукацыя з’яўляецца
вельмі важнай для асабістага сталення ў жыцці” і “фундаментам сучаснага грамадства”,
а менавіта яго эканамічнага дабрабыта, палітычнай стабільнасці і сацыяльнага росквіту.
“Таму ўрад павінен надаваць вялікую ўвагу сферы адукацыі і гаранаваць эканамічную
і маральную падтрымку для ўсёй нацыі.
25 млн. пакістанскіх дзяцей, з 180-мільённага
насельніцтва не маюць доступа да адукацыі; 30% пакістанцаў жыве ў стане крайняй адукацыйнай
беднасці. Каля трэці дзяцей у Пакістане вучацца ў прыватных школах, 6 працэнтаў у
мадрасах, спецыяльных школах, у якіх навучаюць Карану; у сельскай мясцовасці толькі
адна дзяўчына з трох наведвае школу, два падлеткі з трох – непісьменныя.
Біскупы
падкрэсліваюць, што школьная адукацыя, гэта адзін з самых важных фактараў выхавання
асобы, і з’яўляецца усеагульным правам. Напрыканцы “Тыдня адукацыі” адбудуцца спецыяльныя
малітоўныя сустрэчы у мясцовых касцёлах.