Benedikti XVI falënderon anëtarët e Fondacionit Gjon Pali II për ruajtjen e trashëgimisë
së Papës Vojtila.
Rreth 300 anëtarë dhe miq të Fondacionit Gjon Pali II, shoqëruar nga kardinajtë polakë
Stanislao Dgjivish e Stanislao Rilko, mbushën plot, sot paradite, Sallën Klementine
në Vatikan, ku u takuan me Papën Benedikti XVI. Audienca ishte në përkim me tridhjetëvjetorin
e këtij Institucioni, ngritur me dëshirën e Karol Vojtilës, me qëllim që t’u ofronte
mbështetje materiale e të tipeve të tjera, nismave me natyrë fetare, kulturore, baritore
e bamirëse, lidhur me papninë e tij.Benedikti XVI i falënderoi të gjithë anëtarët
për frytet e pjekura gjatë 30 vjetëve në mbarë botën dhe i inkurajoi të vijojnë impenjimin
për ruajtjen dhe studimin e trashëgimisë shpirtërore të Gjon Palit II, duke pasur
mirë parasysh ç’pasuri e madhe ishte e vijon të jetë për mbarë Kishën, Papa i Lum
polak.