Ամենայն Հայոց Կաթողիկոսը Կը Մեկնի Նոր Նախիջեւանի եւ Ռուսաստանի Հայոց Թեմ։
Հոկտեմբեր 22ին Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսը կը մեկնի Նոր Նախիջեւանի եւ Ռուսաստանի հայոց թեմ, Մոսկուա, ուր հանդիսապետութեամբ Վեհափառ Հայրապետի՝ Հոկտեմբեր 23ին պիտի կատարուի թեմի Առաջնորդանիստ Եկեղեցւոյ Խաչերու օրհնութեան եւ Օծման Արարողութիւնը։ Նորին Սրբութեան կ'ուղեկցի գաւազանակիր Տ. Անանիա աբեղայ Ծատուրեան:
Հայկական եկեղեցական համալիրը սկսած է կառուցուիլ 2006ին: Անիկա կ’ընդգրկէ Մայր Եկեղեցին, Ս. Խաչ փոքր Եկեղեցին, Առաջնորդարանի շէնքը, Կրթամշակութային եւ Վարչական մասնաշէնքերը, Հանդիսութիւններու սրահները եւ Թանգարանը:
| All the contents on this site are copyrighted ©. |