Французская праваабарончая
арганізацыя “Terre des Hommes” (“Планета людзей”) падлічыла, што кожны год з краін
Усходняй Еўропы выкрадаецца да 6 тыс. дзяцей ва ўзросце ад 12 да 16 лет. Акрамя таго,
на сённяшні дзень у Заходняй Еўропе прастытуцыяй прымушаны займацца каля 300 тыс.
жанчын з былых сацыялістычных краін. На гэту праблему звяртае ўвагу румынская праваабаронца,
псіхолаг Яна Матэй, якая 20 кастрычніка прадставіла ў Рыме сваю новую кнігу “Непаўналетнія
на продаж”.
У інтэрв’ю нашаму радыё Яна Матэй расказала, што больш за ўсе
іншыя краіны дзяўчынак з Усходняй Еўропы прывозяць у Іспанію. За ёй ідзе Італія і
скандынаўскія краіны. “Здараецца, што самі бацькі прадаюць у рабства ўласных дзяцей”,
- адзначае праваабаронца. Італьянскія бандыты, часта выдаюць сябе за закаханых жаніхоў,
якія забяраюць дзяўчат у краіны Заходняй Еўропы але там іх прымушаюць займацца прастытуцыяй.
“Усё
залежыць ад ідэалаў, мадэляў, якія прапануе сучаснае грамадства, - кажа Яна Матэй.
- Сёння у цэнтры стаяць грошы, якія абагаўляюцца, незалежна ад таго, як іх зарабляюць”.
“Тысячы
жыхароў Румыніі, Украіны, іншых краін былога СССР выязджаюць у краіны Заходняй Еўропы,
каб збіраць суніцы ці вінаград, прыбіраць у хатах, даглядаць старых і хворых, пакідаючы
ўласных дзяцей на сваякоў ці адных. Абставіны ўсё часцей вымушаюць саміх падлеткаў
кідаць школу і думаць аб заробку. Яна Матэй лічыць, што неабходна пачынаць з выхавання
бацькоў у краіных Усходняй Еўропы”, - сказала праваабаронца.