Кардынал Эчэгарай: захаваць мір цяжэй, чым пачаць вайну
Напярэдадні разважанняў
і малітвы за мір, якая пройдзе 27 кастрычніка ў Асізі, кардынал Ражэ Эчэгарай, былы
старшыня Папскай рады “Iustitia et pax”, у інтэрв’ю агенству “SIR” расказаў аб гісторыі
гэтага мерапрыемства сведкам якога ён быў 25 год таму.
Іерарх адзначыў, што
Касцёл і чалавецтва у той час жылі ва ўмовах халоднай вайны – у вельмі цяжкі перыяд
для адказных за мір у свеце. “Ян Павел ІІ быў прызнаным апосталам супокою, і акрамя
таго, ў 1986 г., ААН абвясціла міжнародны дзень міра”, - падкрэсліў кардынал. Ён расказаў,
што да Папы звярнуўся сусветна вядомы нямецкі фізік, Карл Фрыдрых вон Вайцсакер, з
просьбай правесці “Сусветны Сабор для супакою”. “Папа з вялікай увагай прачытаў яго
пасланне і звярнуўся да мяне, каб падумаць над гэтай прапановай, бо я ў той час узначальваў
дыкастэрыю, якая займалася праблемамі справядлівасці і міра,”, - ўзгадаў кардынал
Эчэгарай. Іерарх расказаў, што прапанова абмяркоўвалася ў асяродку шматлікіх тагачасных
іерархаў і нарэшце ўзнікла ідэя арганізаваць малітву за мір. “Сам Папа прапанаваў
правесці яе ў Асізі, горадзе св. Францішка, які ён вельмі любіў і яму здавалася, што
гэта найлепшае месца, для малітоўнай сустрэчы лідэраў сустветных рэлігій”, - сказаў
кардынал.
“Гэта было па-сапраўднаму нешта новае і Папа вельмі хваляваўся, як
арганізаваць малітву, каб пазбегнуць рознага рода сінкрэтызма. Былі канешне і праціўнікі
гэтай ідэі, асабліва сярод лефебрыстаў, якія абвінавачвалі Святога Айца у тым, што
ён лічыць усе рэлігіі раўнымі. - адзначыў іерарх – Папа вельмі пакутаваў з-за гэтага.
Малітва ў Асізі - гэта была ўнікальная ініцыятыва у Касцёле і увогуле ў хрысціянскіх
Цэрквах”.
Кардынал Эчэгарай расказаў, што падрыхтоўка да правядзення малітвы
працягвалася на працягу 10 месяцаў і Папа прысвяціў ёй 4 катэхезы падчас агульных
аўдыенцый, каб падрыхтаваць вернікаў.
“Малітва ў Асізі стала вялікім крокам
наперад, бо менавіта дзякуючы ёй чалавецтва магло ўбачыць, што ўсе людзі – члены адной
сям’і, браты, незалежна ад рэлігіі да якой прыналежаць. Усе браты, бо ўсе залежаць
ад аднаго Стварыцеля, Бога, Айца. Аднак больш складана захаваць мір, чым пачаць вайну,
і малітва гэта толькі спосаб каб спрыяць супакою”, - адзначыў іерарх.