23 кастрычніка будзе
адзначацца Сусветны дзень місій – асаблівы момант, калі Касцёл разважае аб сваім місійным
пакліканні. Гэты дзень з’явіўся па ініцыятыве Кангрэгацыі Евангелізацыі Народаў ў
1927 г. і з таго часу адзначаецца кожны год у перадапошнюю суботу кастрычніка.
З
нагоды Дня місій, сучасны старшыня гэтай папскай дыкастэрыі арцыбіскуп Фернардо Філоні,
у інтэрв’ю нашаму радыё расказаў, што Бэнэдыкт XVI выбіраючы тэму “Як Айцец паслаў
мяне, так і я пасылаю вас”, хацеў падкрэсліць, што кожны ахрышчаны вернік пакліканы
несці Евангелле свету і рэалізаваць гэты запавет Хрыста.
Іерарх адзначыў,
што у гэтым кантэксце становіцца вельмі важным таксама заклік Святога Айца аб неабходнасці
новай евангелізацыі – місіі сярод тых людзей, хто знаёмы з Евангеллем, але забыў аб
ім ці наўмысна ігнаруе. Арцыбіскуп Філоні падкрэсліў таксама, што ахвяраванні, якія
будуць збірацца ў касцёлах у гэты дзень будуць прызначацца менавіта на рэалізацыю
евангелізацыйных праектаў.
“Размова ідзе аб ахвяраваннях,
якія дапамогуць у стварэнні дыяцэзій, выхаванні святароў і законнікаў, даць усё неабходнае
для таго, каб Касцёл жыў, каб жыла евангелізацыя, літургічнае жыццё: г.зн., каб будаваліся
храмы, вялася праца сярод моладзі праз школы і універсітэты. Гэта дапамога будзе скіравана
таксама на праекты, якія спрыяюць чалавечаму развіццю, абароне жанчын, дзяцей, клопату
аб здароўі. Так увесь свет адчуе шчырасць хрысціян, якія такім, канкрэтным чынам удзельнічаюць
у абвяшчэнні Евангелля, хоць і не робяць гэтага непасрэдна”.
Арыбіскуп
Філоні расказаў, што будзе суправажджаць Пантыфіка, падчас яго Апостальскага падарожжа
ў Бенін, якое адбудзецца у лістападзе 2011 г. “Важным момантам гэтага падарожжа і
адной з яго галоўных мэтаў будзе падпісанне спецыяльнай Апостальскай адгартацыі, скіраванай
на тое, каб дапамагчы прымірэнню, справядлівасці і міру на гэтым кантэненце”, - адзначыў
іерарх.