Հոկտեմբեր 11-ին, Փորթուկալի մէջ ՀՀ դեսպան Ռուբէն Կարապետեանը իր հաւատարմագրերը յանձնեց
Փորթուկալի Հանրապետութեան նախագահ Անիպալ Գավաքօ Սիլվային: Յանձնման պաշտօնական արարողութեան
հետեւած զրոյցի ընթացքին դեսպան Կարապետեանը Փորթուկալի նախագահին փոխանցեց ՀՀ նախագահ
Սերժ Սարգսեանի բարեմաղթանքներն ու Հայաստան այցելելու հրաւէրը: Փորթուկալ այցի ընթացքին
ՀՀ դեսպանը հանդիպումներ ունեցաւ գլխաւոր կառավարական եւ դիւանագիտական ներկայացուցիչներու
հետ, ուր քննար- կուեցան հայ-փորթուկալական տնտեսական կապերու խթանման, ինչպէս նաեւ փոխ
այցելութիւններու իրականացման հետ կապուած շարք մը հարցեր: Այցի ընթացքին դեսպան Ռուբէն
Կարապետեանը այցելեց Գ. Գիւլբենկեան թանգարան ու ծաղկեպսակ զետեղեց մեծանուն հայի յուշարձանին:
Նշենք որ Տիար Կարապետեան Հայաստանը կը ներկայացնէ նաեւ Իտալիոյ Կառավարութեան մօտ։