Papa priti sot paradite në Vatikan Presidentin e Mongolisë, Tsakhiagiin Elbegdorj,
i cili pas audiencës së Atit të Shenjtë është takuar me sekretarin e Shtetit të Vatikanit,
kardinali Tarçizio Bertone e sekretarin për Marrëdhëniet me Shtetet, imzot Domunique
Mamberti. Gjatë bisedimeve të përzemërta janë përmendur marrëdhëniet e mira ndërmjet
Mongolisë e Selisë së Shenjtë, si dhe mirëkuptimi e bashkëpunimi ndërmjet Kishës e
Shtetit në fushën edukative e shoqërore. Më tej, është folur mbi situatën politike
në Kontinentin aziatik, duke iu referuar në të posaçme rëndësisë së dialogut ndërkulturor
e ndërfetar për promovimin e paqes e të drejtësisë.