Հայաստան Իր Կապերը Պիտի Ամրացնէ «ԻՆԹԸՐՓՈԼ»ին Հետ .
Հայաստանի նախագահ Սերժ Սարգսեան 13 Հոկտեմբերին ընդունեց Քրէական Ոստիկանութեան միջազգային
կազմակերպութեան («Ինթըրփոլ») ընդհանուր քարտուղար Ռոնալտ Քենեթ Նոպլը: Ողջունելով
հիւրը` նախագահը նշեց, թէ Հայաստանի մէջ բարձր կը գնահատեն Քրէական Ոստիկանութեան Միջազգային
Կազմակերպութեան Համաշխարհային առաքելութիւնը: Նախագահը ընդգծեց, որ Հայաստան առանցքային
կը նկատէ կազմակերպութեան դերը ոճիրներուն դէմ պայքարին իմաստով, ուստի կ՛ուզէ աւելի
խորացնելու իր յարաբերութիւնները «Ինթըրփոլ»ի հետ:
Իր կարգին Քենեթ Նոպլի նշեց,
որ Հայաստանն ու «Ինթըրփոլ»ը իրարու կապող օղակը` Ազգային Կեդրոնական Բիւրոն է, որ մեծ
հեղինակութիւն ունին կազմակերպութեան մէջ: Նախագահ Սարգսեան շնորհակալութիւն յայտնեց
«Ինթըրփոլ»ի ընդհանուր քարտուղարութեան` Ազգային Կեդրոնական Բիւրոյին մնայուն աջակցութեան
համար եւ ընդգծեց, որ ոճիրի դէմ պայքարի գործին մէջ համագործակութիւնը անհրաժեշտութիւն
է: