27 кастрычніка ў Асізі,
горадзе св. Францішка, пройдзе Дзень разважанняў, дыялога і малітвы за мір і справядівасць
у свеце пад дэвізам “Пілігрымы праўды, пілігрымы супакою”. У форуме прыме ўдзел Бэнэдыкт
XVI і шматлікія іерархі Каталіцкага Касцёла, а таксама праўстаўнікі іншых канфесій
і рэлігій. Сталі вядомы тэмы прамоваў з якімі каталіцкія кардыналы і біскупы выступяць
падчас гэтага мерапрыемства.
Гістарычныя і перспектыўныя аспекты малітвы за
мір у Асізі ў сваіх дакладах закрануць кардынал Пітэр Тарксан і кардынал Дзяржсакратар
Тарчызіо Бэртонэ.
Кардынал Жан-Луі Таран, старшыня Папскай рады па міжрэлігійным
дыялогу паразважае аб сучасным стане рэлігій перад абліччам стэрэатыпаў, якія існуюць
у свеце адносна іх. Кардынал Курт Кох, старшыня Папскай рады спрыяння хрысціянскаму
адзінству, выступіць з дакладам на тэму “З Асізі ў пілігрымку праўды і міра”.
“Хто
задае пытанні, той знаходзіцца на сцяжынцы да праўды”, - так гучыць тэма разважання
кардынала Джанфранко Равазі, прэфекта Папскай рады па культуры.
Акрамя таго,
удзельнікі форума паразважаюць аб сутнасці “духа Асізі”, і пазнаёмяцца з дакладамі
свецкіх католікаў – Андрэа Рыкардзі, заснавальніка “Супольнасці св. Ігідзія” і Марыі
Вочы старшыні руху “Факаляраў”.