Вялікі поспех Ватыканскага выдавецтва на кніжным кірмашы ў Германіі
“На Міжнародным кніжным
кірмашы, які праходзіць у нямецкім Франкфурце-на-Майне, існуе вялікі інтэрэс да кніг
Бэнэдыкта XVI”, - адзначае ў сённяшнім нумары “L’Osservatore Romano”. Аб гэтым сведчыць
вялікая колькасць людзей, якія наведваюць стэнд Ватыканскага выдавецтва і шматлікія
звароты на тэму набыцця аўтарскіх правоў на выданне кніг Папы, расказаў дырэктар выдавецтва
кс. Джузэппэ Коста.
Падчас найбуйнейшага ў свеце кніжнага кірмаша “Libreria
Editrice Vaticana” прадставіла каля 150 кніг. Сёння Ватыканскі стэнд наведаў дырэктар
кірмаша Юрген Бус.
“Ватыканcкае выдавецтва вельмі дынамічна развіваецца і
яго фінансавыя аброты ўзраслі на 27% у параўнанні з мінулым годам”, - адзначае “L’Osservatore
Romano”. Найбольшая увага існуе да кніг, якія тычацца выхавання, а таксама альбомаў
з рэпрадукцыямі твораў мастацтва.