Пантыфік заклікаў памятаць аб цудах, якія чыніць у нашым жыцці Бог
Сваю сённяшнюю катэхезу,
Бэнэдыкт XVI прысвяціў 126 псальму, у якім гаворка ідзе аб вялікіх цудах, якія Пан
учыніў для свайго народа і якія сёння Ён працягвае чыніць кожнаму верніку.
Папа
звярнуў увагу на тое, што гэты псальм пачынаецца з ўзгадкі і падзякі за збаўленне
з палону, пакутаў і патрэб чалавека. Святы Айцец падкрэсліў, што разбурэнне Іерусаліма
і дэпартацыя ў Вавілон, былі дэструктыўнымі падзеямі для яўрэйскага народа, не толькі
з палітычнага ці эканамічнага пункту гледжання, але перш за ўсё рэлігійнага і духоўнага.
“Згуба зямлі, канец Давідавай манархіі, разбурэнне храма, выглядалі так, нібыта Бог
забыў аб сваіх абяцаннях, і народ Запавета, аточаны язычнікамі, звяртаўся да Бога,
які, як яму здавалася, пакінуў яго. Таму, канец палона і вяртанне на радзіму разглядаліся
як цудоўнае вяртанне веры, даверу, адзінства з Панам; яно выглядала як аднаўленне,
якое ўключала таксама навятранне сэрца, прабачэнне, адноўленне сяброўства з Богам,
усведамленне яго міласэрнасці і новую магчымасць славіць Яго”, – расказаў Бэнэдыкт
XVI.
“Дарагія браты і сёстры, у нашай малітве мы павінны павінны
заўсёды глядзець на тое, як у розных сітуацыях нашага жыцця, Бог нас абараняе, дапамагае,
кіруе намі, і праслаўляць Яго за ўсё тое, што ён робіць для нас. Мы
павінны быць вельмі ўважлівымі да тых рэчаў, якія Пан нам дае. Часта мы ўважлівыя
толькі да нашых праблем, цяжкасцяў і амаль не хочам бачыць добрыя рэчы,
якія паходзяць ад Пана. Гэта ўвага, якая становіцца таксама і падзякай,
вельмі важная і з’яўляеццапамяццю, якая дапамагае перажываць
цёмныя моманты “.
Святы Айцец, таксама адзначыў, што у другой частцы
126 псальма, прысутнічае зварот да Бога працягваць аднаўленне свайго народа, просьба
давесці гэтую справу на поўнай рэалізацыі. У псальме ўжываюцца розныя вобразы – псальміст
параўноўвае аднаўленне з вадой, якая можа перамяніць пустыню ў квітнеючае поле поўнае
зялёнай травы і кветак.
Іншы вобраз, на які звярнуў увагу Пантыфік, гэта палі,
якія апрацоўваюць сяляне, каб на іх нарадзіўся хлеб. “Каб казаць аб збаўленні, узгадваецца
вобраз падзей, якія кожны год паўтараюцца ў сельскагаспадарчай сферы: цяжкі час апрацоўкі
поля і радасць збору ўраджая”, - адзначыў Папа.
Святы Айцец расказаў, што кіданне
зерня ў зямлю– гэта жэст даверу і надзеі; неабходна працавітасць чалавека, але потым
трэба ўвайсці ў стан бездапаможнага чакання, ведаючы, што многія фактары могуць паўплываць
на ўраджай і заўсёды існуе рызыка згубіць яго. “Аднак, год за годам, сяляне паўтараюць
здзейсняць гэты жэст і засяваць свае палі. І калі на іх з’яўляюцца каласы ўзнікае
сапраўдная радасць, перад абліччам незвычайнага цуда”, - падкрэсліў Бэнэдыкт XVI.
“На
ўсё гэта звяртае ўвагу псальміст, гаворачы аб збаўленні, вызваленні,
выхаду з палону і выгнання. Дэпартацыя ў Вавілон, як і іншыя цяжкія і крызісныя сітуацыі,
поўныя цемры звязанай з панаваннем сумневаў і адчуваннем далечыні Бога, у рэальнасці,
кажа псальм, падобна на засяванне поля.У таямніцы Хрыста, у святле
Новага Запавета, гэта пасланне становіцца больш зразумелым і ясным: вернік, які праходзіць
праз цемру, становіцца нібыта зернем, якое, падае ў зямлю
і памірае, каб даць жыццё многім новым плёнам; ці бяручы іншы вобраз, блізкі Езусу,
а менавіта жанчыны, якая, пакутуе падчас родаў, але потым
радуецца таму, што дала свету новае жыццё”.
Папа заклікаў вернікаў,
у малітве заўсёды заставацца адкрытымі на надзею і быць укаранёнымі ў веры ў Бога.
“Наша гісторыя, нават калі часта адзначана пакутамі, цяжкасцямі, крызісамі з’яўляецца
гісторыяй збаўлення і выхаду з палона. У Езусе наш палон заканчваецца, кожная сляза
высыхае, праз таямніцу Крыжа смерць перамяняецца ў жыццё, як зерне якое падае ў зямлю
і становіцца коласам”, - сказаў Бэнэдыкт XVI.
Падчас сённяшняй аўдыенцыі Пантыфік
таксама звярнуўся з заклікам да егіпецкіх грамадскіх і рэлігійных уладаў, будаваць
грамадства ў якім будуць паважацца правы ўсіх людзей, асабліва прадстаўнікоў меншасцяў.
Папа выказаў сваю занепакоенасць ў сувязі з драматычнымі падзеямі, якія адбыліся ў
гэтую нядзелю у Каіры. “Яднаюся з болем сем’яў ахвяр і ўсяго егіпецкага народа, які
сустрэўся са спробамі перашкодзіць мірнаму жыццю паміж супольнасцямі, якое важна захаваць,
асабліва ў гэты пераходны перыяд”, - сказаў Бэнэдыкт XVI і заклікаў вернікаў маліцца,
каб у Егіпце панаваў супакой заснаваны на справядлівасці, павазе да свабоды і годнасці
кожнага грамадзяніна.