“Homo caritatis”. Дзяржава – нармальнае развіццё і адхіленні ад нормы
Паважаныя радыёслухачы, мы працягваем знаёмства з філасофіяй Жака Марытэна, хрысціянскага
мысліцеля ХХ ст. думкі якога аказалі вельмі вялікі ўплыў на ўсё каталіцкае навучанне,
у тым ліку і сацыяльнае. Ужо на працягу некалькіх праграм мы размаўляем аб найбольш
сістэматызаванай працы Марытэна, якая называецца “Чалавек і дзяржава”. У ёй філосаф
прадстаўляе сваё бачанне сутнасці грамадскіх адносін і інстытутаў. У сённяшняй праграме,
мы зробім некаторыя тлумачэнні адносна разумення Марытэнам нармальнага развіцця дзяржавы
і маючых месца ў гісторыі адхіленняў ад нормы.
Філосаф адзначае, што прыніжаць
роль дзяржавы, у гісторыі чалавецтва, гэта тое самае, як прыніжаць роль тэхнічных
дасягненняў, якія пераўтварылі свет і па свайму прызначэнню, павінны стаць прыладай
вызвалення чалавека. “Пачынаючы з ХІХ ст. умяшальніцтва дзяржавы было неабходна, каб
перамагчы агульную пагарду да справядлівасці і чалавечай салідарнасці, якія панавалі
на ранніх стадыях прамысловай рэвалюцыі. Дзяржаўнае заканадаўства ў сферы працы і
занятасці, з’яўляецца патрабаваннем агульнага дабра”, - пісаў Марытэн. Акрамя таго,
філосаф звяртае ўвагу на тое, што дзяржава была неабходна для мабілізацыі свабодных
грамадстваў перад абліччам агрэсіі таталітарных дзяржаў. “Рост дзяржавы ў ХХ ст.,
як тэхнічнага механізма і ў адносінах яго законадаўчай, наглядальнай і арганізуючай
функцыі ў сацыяльным і эканамічным жыцці – усё гэта само па сабе, з’яўляецца часткай
нармальнага развіцця. Нам можа не падабацца дзяржаўная машына... але многія рэчы,
якія нам не падабаюцца, неабходны”, - пісаў Марытэн.
Мысліцель бачыў галоўным
абавязкам сучаснай дзяржавы – умацаванне сацыяльнай справядлівасці. Дзяржава, на яго
думку, павінна выпраўляць недахопы грамадства, базавыя структуры якога не знаходзяцця
на адпаведнай вышыні ў адносінах да справядлівасці.
Але, як убачыць мяжу,
якую дзяржава не можа пераходзіць? Гэта не проста. Праблема заключаецца ў тым, каб
убачыць розніцу паміж нармальным развіццём і паразітах, якія на ім узнікаюць – адхіленні
звязаныя з абсалютыскім разуменнем дзяржавы і агульная адсталасць, якая аслабляе дзяржаву.
Часта
дзяржава, якая з’яўляецца толькі прыладай палітычнай супольнасці замяняе яе сабой,
бярэ на сябе яе функцыі і выкананне задач. У такім выпадку дзяржава становіцца патэрналіскай
– не толькі той, якая ажыцяўляе агульнае дабро, але і арганізуе і кіруе, у той меры,
у якой на яе думку гэта неабходна дзеля агульнага дабрабыта. Дзяржава бярэ пад свой
кантроль эканамічнае, гандлёвае, прамысловае, культурнае, навуковае жыццё, сферы сацыяльнай
абароны і бяспекі.
Здаецца – а што кепскага ў гэтым? Аднак, хоць дзяржава мае
здольнасці і кампетэнцыі ў кіраванні, законнасці і палітыцы, але яна непазбежна з’яўляецца
нерастаропнай і неэфектыўнай і з лёгкасцю становіцца дэспатычнай і немэтазгоднай ва
ўсіх сферах. “Стаць главой і кіраўніком у бізнэсе і прамысловасці, заступнікам мастацтваў,
духоўным лідэрам у пытаннях культуры, навукі і філасофіі – усё гэта супярэчыць прыродзе
такой бязлікай высшай сілы, абстрагіраванай, так сказаць, і асобнай ад зменлівых асаблівасцяў,
канкуренцыі, небяспекаў і дынамікі канкрэтнага сацыяльнага існавання”, - пісаў Жак
Марытэн.
Філосаф, запрашае нас задумацца аб персаналістычным і плюралістычным
сэнсе тэрміна “сацыялізацыя” – працэсе, у якім усе асобы, якія удзельнічаюць у сацыяльнай
інтэграцыі, становяцца ў пэўным сэнсе саўладальнікамі і сакіраўнікамі. Гэты працэс
грунтуецца на пошуку свабоднай ініцыятывы новых эканамічных умоваў і пагадненняў,
найбольш удалыя з якіх атрымаюць законнае прызнанне. Сацыялізацыя – гэта натуральны
рост свабоднага прадпрымальніцтва, калі агульная самасвядомасць усведамляе грамадскую
функцыю прыватнай уласнасці і неабходнасці увядзення закона “агульнай карысці”.
Марытэн
запрашае дзяржаву, спрыяць і падтрымліваць маштабныя мерапрыемствы, якія будуць планіравацца
мясцовымі, прыватнымі, узгодненымі паміж сабой ініцыятывамі, а таксама супольнасцямі
зацікаўленых людзей, пад кіраўніцтвам незалежных прызначаных чыноўнікаў. Такім чынам,
дзяржава можа пакласці пачатак руху паступовай дэцэнтралізацыі і грамадскага жыцця,
і спрыяць надыходу новага персаналістычнага і плюралістычнага ладу.
На думку
Марытэна, апошні этап, гэтага працэса наступіць тады, калі знікне неабходнасць яго
падтрымкі з боку дзяржавы і ўсе натуральныя формы сацыяльнай і эканамічнай дзейнасці
будуць паходзіць знізу. Тады стала бы дзейнічаць такая мадэль грамадскага жыцця, у
якой развівалісь бы новыя формы прыватнай уласнасці і ініцыятывы. Функцыя дзяржавы
пераўтварылася ў функцыю назіральніка і судзі, якія кіраваў бы гэтай аўтаномнай дзейнасцю
з высшага палітычнага пункту гледжання агульнага дабра.
Ітак. Мы ўбачылі, што
дзяржава з’яўляецца палітычным органам. Ні цэлым, ні суб’ектам права, ні асобай. Яна
частка палітычнай супольнасці, якая стаіць ніжэй за яе і служыць агульнаму дабру.
Агульнае дабро – нават важней непасрэднай мэты дзяржавы – падтрымання грамадскага
парадка. Дзяржава павінна гарантаваць справядлівасць, а палітычная супольнасць – кантраляваць
дзяржаву. Улада дзяржавы – гэта ўлада наглядаць. Яна атрымліваецца ад народа. Дзяржава
сама па сабе не мае натуральнага права на вярхоўную уладу. Вярхоўную уладу ні ў якім
разе нельга называць суверэнітэтам, аб якім мы будзем размаўляць у будучых праграмах.
Ні кіраўнік, ні кароль, ні дзяраважа ні нават народ не суверэнны. Суверэнны толькі
Бог.