Каталіцкія біскупы
Мальты скіравалі спецыяльны зварот да вернікаў, у якім закранулі актуальныя пытанні,
што тычацца жыцця католікаў у сацыяльна-культурным кантэксце вострава.
Іерархі
звярнулі ўвагу на тры галоўныя праблемы, з якімі сёння сустракаюцца жыхары Мальты.
Адной з такіх праблем з’яўляецца легалізацыя разводаў. На думку іерархаў – новы закон,
які дае права на развод, аслабіць мальтыйскае грамадскае жыццё, бо разводы наносяць
вельмі балючыя раны ўсім, незалежна ад веравызнання і поглядаў на жыццё.
Іншай
цяжкасцю, сацыяльнай рэальнасці на думку іерархаў, з’яўляюцца выпадкі сексуальных
злачынстваў з боку святароў, якія наносяць раны і Касцёлу і ўсяму грамадству. Біскупы
выказалі свае спачуванні і салідарнасць з ахвярамі і асудзілі падобныя злачынствы.
Трэццяй праблемай, на якую звяртаюць увагу каталіцкія іерархі Мальты – гэта
хуткасць, з якой змяняецца сучасны свет. На думку біскупаў – гэта выклікае шматлікія
турботы людзей негатовых да пераменаў і не здольных хутка арыентавацца ў зменлівай
рэальнасці. “Быць хрысціянінам, таксама не лёгка ў такім кантэксце”, - адзначаюць
іерархі. Яны заклікаюць чэрпаць сілы, для штодзённых выбараў у малітве і запрашаюць
да хрысціянскай салідарнасці з самымі слабымі членамі грамадства. “Без гэтых элементаў
немагчыма быць сапраўднымі вучнямі Хрыста”, - нагадваюць мальтыйскія біскупы.