“Ta bëjë Fjalën e Zotit forcë lëvizëse të misionit dhe të thellojë përpjekjet për
dialog e bashkëpunim me shumicën myslimane”: me këtë frymë e me këto ndjete e priti
bashkësia e vogël kristiane në Kashmir, paraqitjen zyrtare të Biblës së re në gjuhën
kashmiri. Bibla e re u paraqit gjatë një kremtimi, kryesuar nga imzot Salvatore Penakio,
nunc apostolik në Indi. Puna për përkthimin e Biblës – nënvizon Agjencia Fides – është
vepër e Jozef Predhuman Dhar, pedagod, gazetar e shkrimtar. Botimi - vepër e Shoqërisë
Biblike të Indisë, në Bangalore. Imzot Penakio i dorëzoi një medalje ari autorit,
ish- brahmanist i kthyer në fenë katolike, duke e vlerësuar lart për përkushtimin
e tij. Në kremtim ishin të pranishëm edhe autoritete të tjera fetare, që morën
pjesë në projektin e përkthimit të Biblës, me qëllim që të promovohet klima e bashkëjetesës
paqësore ndërmjet shumicës myslimane dhe pakicave të krishtera e hinduiste. Qeveritë
e Jamu-së dhe Kashmirit, kontribuan posaçërisht për rindërtimin e shkollës së krishterë,
sulmuar e djegur më 13 shtator 2010, në qytetin e Pulvamës. Kujtojmë se në Kashmirin
indian jetojnë reth 4 milionë myslimanë. Të krishterët janë vetëm 5. 000 vetë.