49 vjet më parë Gjoni XXIII përuronte Koncilin II të Vatikanit
Më 11 tetor 1962, 49 vjet më parë, Papa Gjoni XXIII përuronte punimet e Koncilit II
të Vatikanit. Asokohe më 11 tetor kremtohej festa e Amësisë Hyjnore të Marisë e, me
këtë gjest, me këtë datë, Papa Gjoni XXIII dëshironte ta lëshonte gjithë Koncilin
e Dytë të Vatikanit në dorën amtare, në zemrën amtare të Zojës së Bekuar. Me Koncilin
e II të Vatikanit Kisha katolike do të niste një rrugë ndryshimesh: do të zbriste
në botë, duke thyer skemat shekullore; do të bashkohej me mbarë familjen njerëzore,
duke jetuar së bashku me të frikën e shpresën, gëzimet e ankthet perhere me besim
në Zotin. Hapje kilometrike e revolucionare, fiksuar në mënyrë të pashlyeshme në faqet
e njohura të Kushtetutës baritore "Gaudium et Spes".