Ինչպէս կը տեղեկացնէ թրքական «bianet» կայքէջը, Պոլսոյ «Պիլկի» համալսարանի քաղաքագիտութեան
բաժնի դասախօս Տենիզ Զարաքօլու ձերբակալուած է Քիւրտիստանի Բանուորական կուսակցութեան
(PKK) քաղաքային թեւը հանդիսացող «Քիւրտիստանի համայնքներու միութեան» (KCK) դէմ իրականացուած
գործողութեան ծիրէն ներս : Իր զաւկի ձերբակալութեան ամբաստանութեան դէմ հանդէս եկած
է Ռակըպ Զարաքօլու նշելով, թէ իր որդին ձերբակալուած է «Խաղաղութիւն եւ ժողովրդավարութիւն»
կուսակցութեան, քաղաքական ակադեմիոյ մէջ քաղաքագիտութեան թեման դասաւանդած ըլլալուն համար։ Ինչպէս
ծանօթ է Զարաքօլուն Հայոց Ցեղասպանութեան փաստի մերժողականութեան դէմ պայ-քարող մտաւորականներէն
է Թուրքիոյ մէջ։ Ան իր գործունէութեան եւ հրատարակած գիրքերուն համար յաճախ հետապնդուած
է թրքական իշխանութիւններու կողմէ։