11 кастрычніка ў сталіцы
Малдовы Кішынёве пачнецца Каталіцкі сацыяльны тыдзень, арганізатарам якога з’яўляецца
рада Канферэнцыі Біскупаў Малдовы. Мерапрыемства, пройдзе пад дэвізам: “Адвага ўзрастаць
разам з патрабуючымі”.
“Тэма ініцыятывы адпавядае пакліканню Касцёла, быць
побач з тымі, хто не мае нічога, хто адчувае сябе адкінутым грамадствам і пазбаўленым
чалавечай годнасці”, - адзначыў Антон Коса, біскуп Кішынёўскі. Падчас прац форума,
які будзе праходзіць 11-14 кастрычніка, удзельнікі абмеркуюць розныя важныя тэмы,
якія тычацца жыцця малдаўскага грамадства: сацыяльную дзейнасць вернікаў, праблемы
беднасці і бедных, ўдзел свецкіх у эканамічным і грамадскім жыцці краіны.
У
працах сімпозіўма, акрамя рэлігійных лідэраў прымуць удзел прадстаўнікі ўраду Малдовы.
Раду Канферэнцыі Біскупаў Еўропы будзе прадстаўляць біскуп Джампаоло Крэпальдзі, кіраўнік
камісіі “Caritas in veritate” еўрапейскага епіскапата. “Сустрэча ў Кішынёве з’яўляецца
знакам і запрашэннем для ўсіх каталіцкіх асяродкаў, уключыцца ў грамадскую дзейнасць
і не спыняцца перад цяжкасцямі, якія могуць узнікнуць на шляху служэння бліжняму і
Евангеллю”,- напісаў у спецыяльным пасланні да ўдзельнікаў форума Генеральны сакратар
Рады Канферэнцыі Біскупаў Еўропы кс. прэлат Дуартэ да Кунга.