2011-10-08 13:08:07

Հռոմի Պելկիական Քահանայապետական Վարժարանը Կը Մեծարէ Յովհաննէս Պօղոս Բ Քահանայապետը։


10 Հոկտեմբերին Հռոմի պելկիական քահանայապետական վարժարանը պիտի մեծարէ իր հաստատութեան նախկին ուսանողներու մեծագոյնը` երանելի Յովհաննէս Պօղոս Բ Քահանայապետը։
Ոգեկոչումին կը մասնակցին կարտինալ Անճելօ Գոմասդրի՝ ընդհանուր տեղապահը Վատիկանի թեմին եւ Պրիւքսէլի առաջնորդը գերապայծառ Լէոնարտ։ Հանդիսութիւնը կ'եզրափակուի բացումը եւ օրհնութիւնը կատարելով երանելի Յովհաննէս Պօղոս Բ-ի կիսանդրիին, որ պիտի զետեղուի վարժարանի մատրան մէջ։
Յայտնենք որ Գարոլ Ուոյթիուա` Յովհաննէս Պօղոս Բ Քահանայապետը եղաւ պելկիական քահանայապետական վարժարանի աշակերտը 1946 -1948, որուն ընթացքին ան ստացաւ աստուածաբանութեան տոքթորայի վկայականը։ Սոյն վարժարանը հիմնուած է 1844-ին Պելկիոյյի եպիսկոպոսներու կողմէ։








All the contents on this site are copyrighted ©.