ЗША: біскупы скіравалі да вернікаў перадвыбарчую інструкцыю
Каталіцкія біскупы
ЗША яшчэ раз нагадалі католікам гэтай краіны, каб падчас прэзідэнцкіх выбараў у 2012
г. тыя кіраваліся перш за ўсё маральнымі перакананнямі у фарміраванні сімпатый да
палітычных партый.
Канферэнцыя Біскупаў ЗША, з нагоды маючых адбыцца выбараў,
перавыдала спецыяльны “дапаможнік выбаршчыка” пад назвай: “Выхаванне сумлення для
вернікаў і грамадзян”, які быў апублікаваны яшчэ ў 2007 г. У гэтым дакуменце біскупы
падкрэсліваюць, што католікі складаюць 1/4 частку ўсяго амерыканскага электарата,
але для большасці з іх у фарміраванні палітычных сімпатый не з’яўляюцца ключавымі
адносіны палітыкаў да пытанняў звязаных з абортамі.
У Амерыцы традыцыйна, ўжо
з 1976 г., перад кожнымі прэзідэнцкімі выбарамі, каталіцкія біскупы скіроўваюць да
вернікаў спецыяльную інструкцыю, якая дапамагае лепш зразумець навучанне Касцёла ў
кантэксце сучаных выклікаў.
Ва ўступе да інструкцыі біскупы звяртаюць увагу
на шэсць найважнейшых пытанняў, на якія павінны звяртаць увагу католікі чытаючы перадвыбарчую
праграму кандыдыта: аборт, рэлігійная свабода, сужэнства, законы, якія тычацца праблем
эмігрантаў, барацьба з беднасцю і заканчэнне войнаў.