Պենետիկտոս ԺԶ Սրբազան Քահանայապետին Գործունէութիւնը Ուրբաթ 7 Հոկտեմբերին։

Պենետիկտոս ԺԶ Սրբազան քահանայապետը այս առաւօտ ժամը 11ին իր գրասենեակի մէջ յաջորդաբար ընդունեց.
Հունգարիոյ Առաքելական Դեսպան Գերապայծառ Ալպէրթօ Պոթթարի Տէ Գասթելլօ-ն
Լատին Ամերիկայի Եպիսկոպոսական Խորհուրդի Նախագահ Արքեպիսկոպոս Գարլոս Ակուիար Րէթէս ու անոր ընկերացող շքախումբը որուն մաս կը կազմէին նոյն խորհուրդի փոխ նախագահներն ու ընդհանուր քարտուղարը։
Ժամը 11.35 ին Սրբազան Հայրը ունկնդրութիւն շնորհեց Սուրբ Աթոռի մօտ Գերմանիոյ դեսպան Տիար Վալթեր Եուրկէն Շմիտի ու անոր կողակիցին հրաժեշտի այցի առիթով։
Հուսկ Պենետիկտոս ԺԶ, ժամը 11.45ին՝ Գոնչիսթորօ սրահին մէջ ընդունեց Ինտոնէզիայի Եպիսկոպոսական Դասի անդամ եպիսկոպոսները իրենց Կանոնական Հնգամեայ այցելութեան առթիւ։

Յետ միջօրէի ժամը 18ին՝ Սրբազան Քահանայապետը ընդունեց Հաւատոյ Ժողովի Կառավարիչ Կարտինալ Ուիլիամ Ժոզէֆ Նեվատան։
Նշենք որ յառաջիկայ 9 հոկտեմբերին Սրբազան Քահանայապետը միօրեայ այց պիտի կատարէ Իտալիոյ Գալապրիա նահանգի Լամէցիա Թերմէ Թեմին ու նաեւ պիտի այցելէ Սէրրա Սան Պրունօ Ճգնարանը։ Հովուական այցելութեան բնաբանն է << Նազովրեցի Յիսուս Քրիստոսի անունով` ոտքի ել եւ քալէ>>