Արեւելեան Ափրիկէի քաղաքական կացութիւնը անհանդուրժելի է։ Այդ ուղղութեամբ միջազգային
հասարակութիւնը ոչ մէկ բարի կամք ցոյց կու տայ, ի հեճուկս Պենետիկտոս ԺԶ Քահանայապետին
սրտայոյզ կոչին հարաւային Ափրիկէի ի խնդիր, որ մեծապէս տուժեց աննախընթաց երաշտի պատճառով,
''Մէկ Սիրտ'' կոչուած Վատիկանի բարեսիրական մարմնի նախագահը` կարտինալ Սարա, խստիւ դատապարտեց
միջազգային հասարակութիւնը։ Կարտինալի գնահատումով միջազգային հասարակութիւնը գիտակցաբար
անտարբեր դիրք բռնած է հարաւային Ափրիկէի հանդէպ, թողելով այդ վերջինը կատարեալ քաոսային
վիճակին մէջ։ Մամուլին հետ ունեցած ելոյթով կարտինալ Սարա հաստատած է որ կիրարկուող բռնութիւնները
անհանդուրժելի են Սոմալիայի մէջ։ Հարկաւոր է շուտով գործել ,վերջ դնելու՝ մարդկային ողբերգութեան։
Սրբազան Քահանայապետը շատ մտահոգ է ու կ՝ուզէ յարատեւ տեղեակ պահենք զինք կացութեան,
ըսաւ կարտինալը աւելցնելով.՜՜ Սրբազան Հայրը ինծմէ խնդրեց ամէն ճիգ ի գործ դնեմ շուտափոյթ
օգնութեան հասնելու երախաներուն, տարեցներուն ու կիներուն, որոնք ամէն օր կը մահուան
դատապարտուած են մինչ ջուր, հաց եւ դեղ կը հայցեն ։ Յայտնենք որ Սրբազան Քահանայապետը
անցեալ չորեքշաբթի օրը ընդհանուր ունկկնդրութեան ընթացքին կոչ ուղղած էր միջազգային հասարակութեան
որպէսզի շարունակէ իր յանձնառումը հարաւային Ափրիկէի ժողովուրդներուն։