Vdiq ish presidenti komunist i Shqipërisë Ramiz Alia
Ish-Presidenti komunist i Shqipërisë Ramiz Alia, vdiq sot në mëngjes në në spitalin
e Tiranës në moshën 86-vjeçare. Presidenti i fundit i shtetit komunist ateist shqiptar,
Alia prej kohësh vuante nga sëmundja dhe për këtë arsye qe shtruar disa herë në
spital. I lindur më 18 tetor 1925 në Shkodër dhe i diplomuar në shkollën e partisë
komuniste në Moskë (1954), Ramiz Alia qe një prej figurave më të rëndësishme të partisë
e të diktaturës komuniste të Shqipërisë dhe udhëheqësi i dytë dhe i fundit i diktaturës
së egër komuniste në Shqipëri gjatë viteve 1985-1992. Ramiz Alia dha dorëheqjen
nga posti i presidentit të Shqipërisë në prill të 1992 pas zgjedhjeve të parakohshme
parlamentare të 22 marsit 1992, dhe në pushtet erdhi koalicioni i djathtë i udhëhequr
Partia Demokratike. Ramiz Alia ka qenë protagonist i gjithë historisë së zezë të
shqiptarëve. Atë që drejtësia e shtetit shqiptar nuk e bëri sa qe gjallë, e bënë ndërgjegjja
e shpirtit të kombit që e persekutoi, dhunoi e vrau, e tani edhe Drejtësia e Hyjit.