Լիպիոյ Մօտ Առաքելական Դեսպանը Մեծ Յոյս Կը Յայտնէ Լիպիոյ Ապագային Նկատմամբ։
Մալթայի ու Լիպիոյ մօտ առաքելական դեսպան` Գերապայծառ Գաբութօն ներկայիս կը գտնուի Լիպիա
ու տեսակցութիւն ունեցաւ երկրի ժամանակաւոր կառավարութեան ու Լիպիայի քրիստոնեայ համայնքին
հետ։ 4 հոկտեմբերին մամուլին հետ ունեցած ելոյթով ան հաստատեց որ Լիպիոյ մէջ քրիստոնէութիւնը
դարաւոր ներկայութիւն ունեցած է, ներկայութիւն մը որ գնահատուած է նաեւ մահմետականներէն։
Առաքելական դեսպանը հանդիպում ունեցած է նախարարապետ Ժպրիլի եւ արտգործ փոխ նախարարի
հետ։ Լիպիոյ ներկայ կառավարութիւնը երաշխաւորեց որ Եկեղեցին գնահատուած է եւ մեծ կարեւորութիւն
կու տան Ս. Աթոռի հետ դիւնագիտական կապեր ունենալուն համար։ Գերապայծառ Գաբութօ ըսաւ
մեծ յոյս ունինք այս երկրին ապագային համար եւ կը յուսանք որ քրիստոնեաները կրկին Լիպիա
վերադառնան։