Бэнэдыкт XVI: папросім Пана правесці нас праз цяжкія шляхі нашых часоў
“Зварот да Пана заўсёды
азначае акт даверу, свядомасць таго, што можна даверыцца Богу, які добры, “міласэрны
і доўгацярплівы, павольны на гнеў і багаты любоўю і вернасцю”, - сказаў падчас сённяшняй
агульнай аўдыенцыі, якая прайшла на плошчы св. Пятра ў Рыме, Бэнэдыкт XVI. У сваёй
катэхезе, прысвечанай псальму 23, папа адзначыў што у ім, “псальміст, выражае спакойную
упэўненасць у тым, што ён заўсёды абаронена і ідзе добрым шляхам бо Пан яго пастыр”.
“Пан
мой пастыр – мне усяго даволі”: так пачынаецца гэта прыгожая
малітва, звяртаючы нашу увагу на вандроўны характар і вопыт узаемнага ведання, паміж
пастырам і яго ягняткамі, якія складаюць яго маленькі статак. Гэты вобраз нараджае
ў нас адчуванне даверу, блізасці, лагоднасці: пастыр ведае сваіх ягнятак, кліча іх
па імені, а яны ідуць за ім, бо пазнаюць і давяраюць. Ён клапоціцца
аб іх, захоўвае, як каштоўны дар, гатовы абараніць, гарантаваць дабрабыт і спакойнае
жыццё”, - сказаў Папа.
Святы Айцец звярнуў увагу на словы
псальма ў якіх перад намі паўстаюць зялёныя палі, крыніцы вады, аазісы супакою, да
якіх пастыр вядзе статак і якія з’яўляюцца сімваламі жыцця.. Пантыфік адзначыў, што
сцэна, якая апісваецца ў псальме адбывалася ў пустыннай зямлі, якую апальвала гарачае
сонца, дзе напалову вандроўныя пастыры жылі са сваімі статкамі ў стэпах, паміж шматлікімі
вёскамі. “Але пастыр здольны знайсці траву і свежую ваду, неабходныя для жыцця, ведае
як прывесці да аазіса ў якім душа можна адпачыць і набрацца сіл і энэргіі, каб працягваць
свой шлях”, - сказаў Папа.
“Дарагія браты і сёстры, таксама і мы,
калі ідзем побач з “Добрым пастырам”, праз цяжкія, пакутныя
і як, нам можа здавацца, доўгія шляхі нашага жыцця, часта ў духоўна пустынным месцы,
без жыцця, алепадгарачым сонцам
рацыяналізма, пад кіраўніцтвам Добрага Пастыра Хрыста, мы маем упэўненасць,
што ідзем правільным шляхам і што Пан нас вядзе. Ён заўсёды побачі нам будзе ўсяго даволі”, - адзначыў Бэнэдыкт XVI.
Папа
падкрэсліў, што начная цемра пужае сваімі змяняючыміся ценямі, цяжкасцю адрозніць
небяспеку, цішынёй якая робіць яснымі ўсе гукі, але псальміст ідзе з упэўненасцю,
бо ведае, што Пан з ім. “Блізасць Бога перамяняе рэальнасць, цёмныя пагоркі губляюць
сваю небяспеку і пагрозу. Статак, можа ісці спакойна”, - сказаў Святы Айцец.
Бэнэдыкт
XVI звярнуў увагу таксама на тое, што псальміст паказвае розныя асяродкі у якіх прысутнічае
разам з Панам. З пустыні мы пераносімся ў шацёр, у якім Пан нас з гасціннасцю прымае,
частуе ежай, алеям і віном, а таксама прапануе сяброўства і сваю салідарнасць.
“Ежа,
алей і віно – гэта жыццядайныя дары, якія таксама даюць
радасць, негледзячы на тое, што нам тэрмінова неабходна, а таксама выражаюць
бескарыснасць і любоў. Псальміст стаў аб’ектам увагі.Ён
як падарожнік адпачывае ў шатры, у той час, як яго ворагі павінны спыніцца
і глядзець, не маючы магчымасць умяшацца, бо той каго лічылі ахвярай знаходзіцца ў
надзейным месцы, стаў святым і недатыкальным госцем. Псальміст –
гэта мы, калі па-сапраўднаму верым у адзінства з Хрыстом. Калі Бог, прымае нас у сваім
шатры, ніхто нам не можа зрабіць кепска”, - сказаў Пантыфік.
Святы
Айцец падкрэсліў, што нават калі падарожнік працягвае свой шлях, дабрыня і вернасць
Бога суправаджаюць яго. “Але яго шлях набывае новы сэнс, становіцца пілігрымкай да
святыні Пана, святога месца ў якім псальміст хоча застацца жыць назаўсёды і ў якое
хоча вярнуцца. Шлях за пастырам вядзе да яго дома, гэта мэта кожнага шляха, жаданы
аазіс у пустыні, шацёр у якім можна схавацца ад ворагаў, месца міра дзе жывуць дабрынёй
і вернай любоўю Бога, дзень за днём, у спакойнай радасці і ў бясконцасці”, - сказаў
Бэнэдыкт XVI.
“Вобразы гэтага псальма, з усім яго багаццем і глыбінёй,
суправаджалі ўсю гісторыю і рэлігійны вопыт ізраэльскага народа і працягваюць суправаджаць
хрысціян. Езус, “Добры пастыр” шукае сваіхзгубленыхягнят, якіх ведае і за якіх аддае жыццё. Ён – гэта шлях, правільны
шлях, які вядзе да жыцця, святло, якое асвятляе цёмныя
пагоркі і перамагае наш старх. Ён гэта гаспрадар, які нас шчырае прымае
і збаўляе ад ворагаў, частуючы сваім целам і крывёй. Ён пастыр, які ў пакоры і з прабачэннем,
стаў Валадаром на слаўным дрэве крыжа”, - адзначыў Святы Айцец.
Папа
заклікаў, вернікаў, аднавіць свой давер да Пана і цалкам даверыцца Яму, і прасіць,
каб ён правёў нас праз цяжкія шляхі нашых часоў.
Падчас сённяшняй агульнай
аўдыенцыі Бэнэдыкт XVI звярнуўся з заклікам да міжнароднай супольнасці дапамагчы народу
Самалі, які на працягу гэтага года моцна пакутуе ад голада. Святы Айцец прывітаў,
прысутных на аўдыенцыі кардынала Роберта Сара, старшыню Папскай рады “Cor unum” і
арцыбіскупа Джорджо Берціна, Апостальскага адміністратара Магадзіша, а таксама прадстаўнікоў
дабрачынных арганізацый і заклікаў іх даць імпульс ініцыятывам дзякуючы якім можна
будзе дапамагчы самалійскаму народу.