Арцыбіскуп Тамазі: трагедыя ў Самалі – маўклівы генацыд
3 кастрычніка пастаянны
назіральнік Апостальскай Сталіцы пры ААН у швейцарскай Жэневе, арцыбіскуп Сільвано
Тамазі выступіў на форуме гэтай арганізацыі, які быў прысвечаны цяжкай сітуацыі, якая
склалася ў Самалі. У інтэрв’ю нашаму радыё іерарх расказаў , што “недахоп ежы прымушае
тысячы людзей пакідаць свае дамы ў пошуку прытулку, а многія з іх нават паміраюць
на вуліцах”.
“Мы можам гаворыць аб маўклівым генацыдзе. Міжнародная
супольнасць павінна выказаць сваю салідарнасць з гэтымі людзьмі. Сярод іх шматлікія
жанчыны і дзеці, якія спрабуюць выжыць. Аднойчы здарылася вельмі балючая
і трагічная сітуацыя, калі адна маці, нясучы на руках дваіх дзяцей і
не маючы больш сіл, павінна была вырашаць, якое з іх пакінуць памерці,
а якое ўзяць з сабой, каб прыбыць да лагера бежанцаў”
Арцыбіскуп Тамазі
адзначыў, што нельга дапусціць таго, каб маглі здарацца такія страшныя рэчы. “Але
гэтая трагедыя народаў усходняй Афрыкі з’яўляецца часткай іншай трагедыі”, - адзначыў
іерарх. Арцыбіскуп нагадаў аб тым, што ужо каля 1,5 тыс. чалавек, загінулі пры спробе
патрапіць у Еўропу з Паўночнай Афрыкіі аб тых, хто патануў у Адэнскім заліве, калі
спрабавалі пакінуць Самалі. “Такім чынам мы знаходзімся перад надзвычайнай сітуацый,
якая павінна ўзварушыць сумленне ўсіх”,- адзначыў арцыбіскуп Тамазі.