10 кастрычніка ў Рыме
пройдзе канферэнцыя на тэму: “Жанчына ў місіі Касцёла”, арганізатарам якой з’яўляецца
навукова-даследчы інстытут па справах жанчын Папскага універсітэта “Regina Apostolorum”
у супрацоўніцтве з Папскай рады па справах свецкіх. Як адзначаюць арганізатары гэтай
сустрэчы, “жанчыны, як сёння так і на працягу ўсёй гісторыі, пастаянна працавалі на
карысць Касцёла відавочным і небачным чынам.
Арганізатары звяртаюць ўвагу
на тое, што “жанчыны-хрысціянкі, ва ўсім свеце, супрацоўнічаюць ужо доўгі час у развіцці
цывілізацый і евангельскай місіі Паўсюднага Касцёла ў якасці настаўніц, медсясцёр,
тэолагаў, пісьменніц, журналістак, катэхэтак, законніц, маці дзяцей і жонак”.
Мэтай
форума з’яўляецца тое, каб звярнуць увагу, у святле навучання Касцёла, на фундаментальную
ролю жанчын ў працы гуманізацыі грамадства. Працу канферэнцыі адкрые кардынал Станіслаў
Рылка, старшыня Папскай рады па справах свецкіх.