У Іраку на працягу
выходных дзён здарыліся два напады на хрысціян ў горадзе Кіркук, на поўначы краіны.
У гэтым палітыка-эканамічным цэнтры, багатым нафтай, які насяляюць арабы, туркі, курды,
іракскія хрысціяне працягваюць гінуць пад абыякавым поглядам мясцовых уладаў. Хрысціяне
ў Іраку сталі аб’ектам пастаянных нападаў з боку ісламскіх фундаменталістаў. На працягу
апошняга года тут здарыліся шматлікія выбухі, напады, пашкоджанні касцёлаў і маёмасці
хрысціян. Такія падзеі сталі абавязковымі элементамі штодзённай хронікі навін. Агенства
“Asianews” звяртае ўвагу на тое, што пераслед хрысціян у Кіркуку адбываецца ва ўмовах
поўнага маўчання міжнароднай супольнасці.
2 кастрычніка Басам Ішо, 30-гадовы
католік быў забіты групай невядомых. 1 кастрычніка, было знойдзен цела іншага іракскага
католіка, таксама забітага невядомымі.
15 жніўня, адбыліся выбухі насупраць
сіра-каталіцкага касцёла св. Эфрэма ў цэнтры Кіркука. 2 жніўня іншая бомба ўзарвалася
насупраць касцёла св. Сям’і. У той жа дзень супрацоўнікі паліцыі здолелі прадухіліць
выбух насупраць пратэстанскай царквы ў гэтым горадзе.