Tre shkencëtarë morën Nobelin për Mjekësinë. Njëri prej tyre vdiq para tre ditësh
U shpallën sot në Stokholm, emrat e fituesve të çmimit Nobel për Mjekësinë 2011. Amerikani
Bruce Beutler, luksemburgezi Jules Hoffmann dhe kanadezi Ralph Steinman u vlerësuan
për zbulimet e tyre në fushën e imunologjisë. Siç lexohet në komunikatën zyrtare,
ata kanë zbuluar parimet kryesore për aktivizimin e sistemit imunitar të njeriut.
Fatkeqësisht, Ralph Steinman, i sëmurë që prej katër vjetësh, është ndarë nga kjo
jetë më 30 shtator.