Thirrje e manastirit sirian të Deir Mar Musa: jo luftës civile fetare
Rreth 40 ushtarë dezertorë u vranë sot paradite në ndeshjet me armë me forcat besnike
të presidentit sirian Bashar Al Asad në periferi të kryeqytetit, afër aeroportit ushtarak
Dumayr. Lajmi jepet nga Komitet e koordinimit lokal, platforma kryesore e aktivistëve
kundër regjimit. Të vrarët ishin pjesë e një grupi prej 65 ushtarakësh, që u rebeluan
kundër urdhërave të diktaturës. Pikërisht nga Siria vjen një mesazh i fuqishëm paqeje
nga ana e bashkësisë së manastirit të Deir Mar Musa al Habashi, në malin Nebek. Shumë
të rinj sirianë, së bashku me murgeshat dhe murgjërit e manastirit, sapo përfunduan
një javë agjërimi e lutjeje me një thirrje për refuzimin e luftës civile me bazë fenë.
Pjesëmarrësit i bëjnë thirrje bashkësisë ndërkombëtare të mos ndërhyjë me armë, por
të ndërhyjë me impenjimin politik për të nxitur bisedimet ndërmjet palëve, me synim
ndryshimin demokratik të vendit, pa hakmarrje e pa dhunë.