Ватыкан: рэстаўрацыя скульптуры “Уваскрасенне” у Залі Паўла VI

3 кастрычніка пачнецца рэстаўрацыя скульптурнай кампазіцыі “Уваскрасенне”, якая знаходзіцца ў ватыканскай Залі Паўла VI, месцы правядзення аўдыенцый, сустрэч, канцэртаў і іншых мерапрыемстваў. Бронзавая скульптура “Уваскрасенне”, была створана італьянскім майстрам Перыклам Фаццыні 34 гады таму. Яе інаўгурацыю здзейсніў сам Павел VI 28 верасня 1977 г.

Негледзячы на тое, што скульптура знаходзіцца ў добрым стане, яна патрабуе дасканалай чысткі, для таго, каб бронза набыла свой першапачатковы выгляд. Чыстка будзе праходзіць на працягу 2 месяцаў – завяршэнне прац плануецца 9 снежня.

Выява “Уваскрасенне”, займае плошчу 20 м у дліну і 7 м у вышыню. Яна ўяўляе сабой “Хрыста, які выходзіць з магілы, вакол якой растуць аліўкавыя дрэвы, у той час як зямлю сатрасаюць вялізарнай моцы маланкі: у гэты час аблічча Пана застаецца незвычайна спакойным, ён працягвае нам свае рукі, жадаючы аднавіць любоў, якая, здаецца, была непапраўна разбіта”, - пісала аб скульптуры “L’Osservatore Romano” 29 верасня 1977 г.

Падчас правядзення рэстаўрацыйных прац, мастацкая выява скульптуры будзе аддзяляць яе ад астатныя часткі Залі Паўла VI.