Այսօր 1 Հոկտեմբեր Տարեցներու Միջազգային Օր. Հայաստանի Բոլոր Տուն-Ծերանոցներու Մէջ
տեղի կ՝ունենան Ձեռնարկներ
Այսօր 1 Հոկտեմբեր Տարեցներու Միջազգային Օրն է: Առանձին ապրող տարեցներու համար ՀՀ-ի
մէջ կը գործեն եօթը տուն-ծերանոցներ,որոնցմէ չորսը՝ պետական, երեքը` ոչ պետական։
Երկուքը կը գտնուին Երեւանի մէջ, մէկը` Գիւմրի, մէկը` Վարդենիս, այս վերջինը հոգեբանական
տուն-ծերանոց է: Ընդհանուր առմամբ , տուն-ծերանոցներու մէջ կը խնամուին 2090 տարեցներ
, որոցնմէ 1000ը կ'ապրին ծերանոցի մէջ: «Տուն-ծերանոցներու մէջ մէկ տարեցի վրայ ծախսուող
գումարը օրական կը կազմէ 3869 դրամ, որմէ սնունդի վրայ կը ծախսուի 1430 դրամ”, ( յայտնեց
ՀՀ աշխատանքի եւ ընկերային հարցերու նախարարութեան Հաշմանդամներու եւ Տարեցներու հիմնահարցերու
վարչութեան պետ Արթուր Կէսոյեան) լրագրողներու հետ ունեցած հանդիպման ընթացքին: Պատասխանելով
այն հարցուին, թէ արդեօք այդ գումարը բաւարա՞ր է սնուցանելու ելու համար, Արթուր Կէսոյեան
ըսաւ. «Սնունդի չափորոշիչները կը կարգաւորուին օրէնքով, եւ այդ գումարը լիարժէք կը բաւէ
ապահովելու 2200 քալըրի,եւ թէ խնամուող տարեցները գոհ են»: Այսօր Տարեցներու Միջազգային
օրուան առիթով բոլոր տուն-ծերանոցներու մէջ կը կայանան ձեռնարկներ, երգ, պար, խրախճանք,
եւ թէ նուէրներ կը բաժնուին՝ բարեգործական կազմակերպութիւններու կողմէ: Նշենք որ Տարեցներու
Միջազգային Օրը հռչակուած է 14 Դեկտեմբետ 1990-ին ՄԱԿ-ի Ընդհանուր Ժողովի կողմէ։