Кракаў: пачаўся ІІ Сусветны кангрэс Божай Міласэрнасці
1 кастрычніка, у Кракаўскіх
Лагеўніках, месцы дзе пражыла апошнія гады жыцця св. Фаўстына Кавальская, пачнецца
ІІ Сусветны Кангрэс Божай Міласэрнасці. Яго дэвіз гучыць як, “Міласэрнасць – крыніца
надзеі”. У праграме форума: малітвы, канферэнцыі, экуменічныя набажэнствы, а таксама
маўклівая пілігрымка ў канцэнтрацыйны лагер Асвенцым. У інтэрв’ю нашаму радыё, адзін
з арганізатараў Кангрэса, кардынал Каміло Руіні, адзначыў, што гэты форум набыў яшчэ
большую важнасць пасля беатыфікацыі Яна Паўла ІІ, вялікага апостала Міласэрнасці ў
ХХ і ХХІ ст.. “Менавіта Ян Павел ІІ у сваёй энцыкліцы “Dives in Misericordia” (“Міласэрнасць
Бога”) указаў чалавецтву шлях, праз які, гэта Міласэрнасць павінна прыйсці сёння”,
- сказаў кардынал Руіні.
“Сёння многія не знаёмы з тэмай Божай Міласэрнасці,
але менавіта ў наш час чалавецтва асабліва патрабуе яе. Сёння людзі адчуваюць уласнымі
сэрцамі патрэбу ў прабачэнні і міласэрнасці: як Міласэрнасці Божай, так і неабходнасці
быць міласэрнымі людзьмі”.
Іерарх адзначыў, што увесь Пантыфікат Яна Паўла
ІІ, быў акрэслены гэтай тэмай. “Я хачу нагадаць, што напрыканцы свайго зямнога жыцця,
у апошняй кнізе, якую ён напісаў, былі словы: “Міласэрнасць Божая – гэта адзіная сапраўднае
абмежаванне для зла, якое існуе ў свеце”, - адзначыў кардынал Руіні.