Սերժ Սարգսեան Վարշավայի մէջ Հանդիպում Կ՝ունենայ ԵԱՀԿ-ի Խումբի Համանախագահներուն Հետ։
Նախագահ Սերժ Սարգսյանն Սեպտեմբեր 29ին Վարշավայի մէջ հանդիպու ունեցաւ ԵԱՀԿ-ի Մինսկի
խումբի համանախագահներ Պեռնար Ֆասիէի (Ֆրանսիա), Ռոպերտ Պրատկէի (ԱՄՆ), Իկոր Պոպովի (Ռուսաստան)
եւ ԵԱՀԿ-ի գործող նախագահի անձնական ներկայացուցիչ Անճեյ Քասպրիճկի հետ: Ըստ «Արմենփրես»-ին
քննարկուած են Լեռնային Ղարաբաղի հակամարտութեան բանակցային գործընթացաքի ներկայ փուլին
վերաբերող հարցեր: Միւս կողմէ Հայաստանի նախագահ Սերժ Սարգսեան նախանցեալ օր Փարիզի
մէջ հանդիպում ունեցաւ նաեւ Ֆրանսայի վարչապետ Ֆրանսուա Ֆիյոնի հետ: Զրուցակիցները
գոհունակութեամբ փաստեցին եւ ողջունելի նկատեցին Հայաստանի տնտեսութեան մէջ ֆրանսական
ներդրումներուն աճը: Համաձայնութիւն ձեռք բերուեցաւ քաղաքական մակարդակով շարունակել
աջակցելու եւ խրախուսելու ֆրանսական ընկերութիւններու մասնակցութեան Հայաստանի տնտեսութեան
տարբեր մարզերուն մէջ իրականացուուղ ծրագիրներուն: Սերժ Սարգսեան եւ Ֆրանսուա Ֆիյոն
քննարկեցին նաեւ Հայաստան-Եւրոպական Միութիւն համագործակցութեան առնչուող հարցեր: Կարեւոր
նկատուեցաւ Ֆրանսայի օժանդակութիւնը Հայաստանի եւրոպական համարկման ջանքերուն, մասնաւորաբար
Եւրոպական Միութեան Արեւելեան գործընկերութեան ծիրին մէջ: Զրուցակիցները նշեցին, որ այդ
հարցերը քննարկելու առիթ պիտի ունենան նաեւ մօտ օրէն Վարշաւայի մէջ տեղի ունենալիք Արեւելեան
գործընկերութեան վեհաժողովին ընթացքին: