Kardinali Erdë, sërish në krye të Këshillit të Konferencave Ipeshkvnore të Evropës
Pasditen e sotme, ipeshkvijtë evropianë e vazhduan mbledhjen e tyre në Tiranë duke
folur për Evropën e politikën. Pa dyshim, çasti më i rëndësishëm qe zgjedhja e kryetarit
të ri të Këshillit të Konferencave Ipeshkvnore të Evropës dhe e ndihmësve të tij.
Në detyrë u konfirmua kardinali hungarez Peter Erdë, ndërsa zëvendës të tij u zgjodhën
kardinali Anxhelo Banjasko, kryetar i Konferencës Ipeshkvnore të Italisë dhe, imzot
Jozef Mihalik, kreu i Kishës në Poloni. Të dëgjojmë don David Gjugjën nga Tirana…