Бэнэдыкт XVI павіншаваў яўрэяў Рыма з надыходзячымі святамі
29 верасня Бэнэдыкт
XVI скіраваў віншавальную тэлеграму на імя Рыкарда ды Сеньі, галоўнага рабіна Рыма,
з нагоды святкавання Рош Ха-Шана, яўрэйскага Новага года, а таксама Ём Кіппура (Дня
паяднання) і Суккот (Свята шатроў). Пантыфік выказаў шчырыя віншаванні ўсёй яўрэйскай
супольнасці Вечнага горада, і пажадаў, каб гэта свята стала нагодай для шматлікіх
вечных благаслаўленняў і крыніцай бясконцай ласкі.
“Няхай ва ўсіх нас узрастае
жаданне спрыяць справядлівасці і міру у свеце, які вельмі патрабуе сапраўдных сведкаў
праўды. Няхай Бог, у сваёй дабрыні, абараняе яўрэйскую супольнасць і ўмацоўвае сяброўства
паміж намі, у гэтым горадзе і ва ўсім свеце”, - напісаў Святы Айцец.
У гэтым
годзе яўрэі адзначыюць 5772 Новы год. Традыцыйна Рош Ха-Шана святкуецца на працягу
двух дзён у новалунне восеньскага месяца цішрэй па яўрэйскаму каляндару, які звычайна
прыпадае на верасень ці кастрычнік.