Ս Գաբրիէլի տօնին առթիւ՝ (պաշտպան Սուրբը Քահանայապետի ձայնասփիւռին) Վատիկանի պարտէզներուն
մէջ գտնուող՝ Լուրտի Տիրամօր նուիրուած քարայրին առջեւ, հինգշաբթի 29 սեպտեմբերին՝ ժամը
9-ին, հանդիսաւոր Ս. Պատարագով պիտի նշուի Վատիկանի Ձայնասփիւռի 80-ամեակը, պատարագին
պիտի նախագահէ Կարտինալ Թարչիզիօ Պերթոնէ Ս. Աթոռի Պետական Քարտուղարը։ Այս կարեւոր արարողութեան
ներկայ պիտի ըլլան սոյն ռատիոյի պաշտօնեաները , գործակիցները եւ երբեմնի աշխատակիցները,
իրենց ընտանեկան պարագաներուն հետ միասին։ Ս. Զոհի աւարտին, տեղի պիտի ունենայ ընդունելութիւն
մը, Ռատիոյի գիւտարար Կուլիէլմօ Մարքոնիի անուան հեռասփրիչ կայանի կից հրապարակը, որ
եղած է առաջին կեդրոնը Ռատիօ Վատիկանին։ Այս առթիւ քահանայապետական շքանշաններով պիտի
մեծարուին ռատիօ Վատիկանի կարգ մը պաշտօնեաները։ Պատարգին ընթացքին, սարկաւագութեան
մասը յանձնուած է Վատիկանի ձայնասփիւռի հայկական բաժնի նախկին տնօրէն՝ Տ. Միքայէլ Սրկ.
Ժանժէին։ Սրբազան երգեցողութիւնը պիտի կատարեն ռատիոյի երգչախումբը ղեկավարութեամբ՝ Քոյր
Պէաթրիչէ Մանաբարմբիլի։