Патрыярх Кірыл выказаў павагу і братэрскую любоў да Папы
26 верасня Патрыярх
Маскоўскі і ўсяе Русі Кірыл сустрэўся з кардыналам Юзэфам Томко, пасланнікам Бэнэдыкта
ХVI на святкаванні 100-годдзя рэкансекрацыі архікатэдральнага касцёла Беззаганнага
зачацця Найсвяцейшай Панны Марыі ў Маскве. “Я радуюся магчымасці сустрэчы з Вамі,
як з высокім прадстаўніком Каталіцкага Касцёла і Апостальскай Сталіцы, каб выказаць
маю павагу і братэрскую любоў да Яго Святасці”, - сказаў Патрыярх Кірыл. Праваслаўны
іерарх папрасіў кардынала, перадаць Бэнэдыкту XVI свае цёплыя словы.
Кардынал
Томко, у сваю чаргу, звярнуў увагу на духоўнае адраджэнне ў Расіі. “Мы бачым, як адраджаюцца
храмы, што з’яўляецца знакам адраджэння, якое адбываецца унутры вернікаў”,- сказаў
іерарх. “Вы з’яўляецеся знакам і галоўнай дзеючай асобай гэтага аднаўлення, адраджэння
веры тут”,- сказаў кардынал Томко. Ён таксама перадаў Патрыярху Кірылу “сардэчнае
і братэрскае прывітанне" Бэнэдыкта ХVI.