Бэнэдыкт XVI здзейсніць кананізацыю трох благаслаўлёных
Заля Друку Апостальскай
Сталіцы сумесна з Службай папскіх літургічных цэрымоній апублікавалі каляндар набажэнстваў
з удзелам Бэнэдыкта XVI на кастрычнік-лістапад 2011 г.
З яго стала вядома,
што 9 кастрычніка Папа здзейсніць Апостальскі візіт у дыяцэзію Ламецыя Тэрмэ, на поўдні
Італіі. Таксама, паведамляецца што Пантыфік правядзе кананізацыю трох благаслаўлёных
– італьянскага біскупа Гвіда Марыя Канфорці, заснавальніка жаночай кангрэгацыі Слугаў
Любові і Дачок Панны Марыі Божага Провіду святара Луіджы Гуанэлла і іспанскай законніцы
Баніфацыі Радрыгез Дэ Кастра. Урачыстая кананізацыйная св. Імша, пройдзе на плошчы
св. Пятра ў Рыме 23 верасня.
2 лістапада, ва ўспамін памерлых вернікаў Святы
Айцец будзе маліцца у Ватыканскіх гротах за памерлых Рымскіх Пантыфікаў, а 3 лістапада
правядзе св. Імшу ў базыліцы св. Пятра за памерлых кардыналаў і біскупаў.
4
лістапада, Бэнэдыкт XVI прыме ўдзел у малітве нешпараў прысвечанай пачатку навучальнага
года ў Папскіх універсітэтах.
Нарэшце 18-20 лістапада Святы Айцец здзейсніць
Апостальскае падарожжа у Бенін, маленькую дзяржаву ў Заходняй Афрыцы.