Бэнэдыкт XVI здзейсніць Апостальскае падарожжа на поўдзень Італіі
27 верасня Заля Друку
Апостальскай Сталіцы апублікавала праграму душпастырскага візіта Бэнэдыкта ХVI у італьянскія
дыяцэзіі Ламецыя Тэрмэ і Серра-Сан-Бруно, якія знаходзяцца ў рэгіёне Калабрыя на поўдні
Італіі. Аднадзённы візіт Святога Айца адбудзецца ў нядзелю 9 кастрычніка.
Кульмінацыйным
момантам падарожжа будзе св. Імша ў Ламецыя Тэрмэ, пасля якой запланавана сустрэча
Святога Айца з мясцовымі біскупамі і арганізатарамі падарожжа.
У другой палове
дня Папа прыбудзе ў Серра-Сан-Бруно, дзе на цэнральнай плошчы горада сустрэнецца з
яго жыхарамі, а затым у мясцовым картэзіянскім касцёле прыме ўдзел у малітве нешпараў.
Пажарожжа завершыцца сустрэчай з картэзіянскай супольнасцю і візітам у кляштар
і шпіталь, аб якім клапоцяцца законнікі. Вечарам, каля 21.00 Пантыфік вернецца ў Рым.