27 верасня будзе адзначацца
Сусветны дзень турызма. У гэтым годзе ён будзе праходзіць пад дэвізам: “Турызм спрыяе
збліжэнню культур”. Яго ўстанавіла Міжнародная арганізацыя турызма ў Мадрыдзе ў 1979
г. Першы раз ён адзначаўся ў 1980 г. Апостальская Сталіца з самага пачатку прымае
актыўны удзел у гэтых святкаваннях і кожны год скіроўвае спецыяльнае пасланне. Ад
імя Папы яго скіроўвае Папская рада пастырства эмігрантаў і падарожнікаў. У сваім
пасланні рада звяртае ўвагу на тое, што дэвіз сёлетняга дня хоча падкрэсліць важнасць
падарожнічання ў кантэксце сустрэчы розных культур свету.
“Гэта асабліва важна
ў наш час, калі больш за 900 млн. чалавек у год падарожнічае па свеце выкарыстоўваючы
сучасныя сродкі камунікацыі. Турызм заўсёды дае магчымасць сустрэцца з Богам, які
ў стварэнні і ў чалавечых учынках праяўляе нам сваю любоў”,- адзначаецца ў пасланні.
Аўтары
звароту падкрэсліваюць тое, што ў нашым свеце, так часта падзеленым, такія каштоўнасці.
як памяркоўнасць, павага і ўзаемазразуменне з’яўляюцца асновай мірнай будучыні. “Культура
ў шырокім сэнсе ўключае ў сабе як гісторыю, мастацкую і этнаграфічную спадчыну, так
і лады жыцця, адносіны паміж людзьмі, веравызнанні”,- адзначаецца ў дакуманце. Мы
не толькі пацвярджаем існаванне культурнаай разнароднасці, але згодна з навучаннем
Касцёла мы прызнаем яе, як штосці станоўчае. “Таму трэба дзейнічаць так, каб людзі
не толькі прымалі існаванне іншай культуры, але таксама і хацелі прыняць яе, як узбагачэнне
сваёй асабістай культуры”,- адзначаецца ў пасланні на Міжнародны дзень турызма.