Նախագահ Սերժ Սարգսեան Արժանացաւ «ԷԼԼԻՍ ԿՂԶԻ» Մետալին։
Միացեալ Նահանգներու մէջ Հայաստանի նախագահ Սերժ Սարգսեան առջի օր գնաց Էլլիս Կղզի-ն
,եւ ուր ան այցելեց Ներգաղթի Թանգարանը ,եւ դիտեց 1915-ի Հայոց Ցեղասպանութեան եւ
Էլլիս կղզիէն Միացեալ Նահանգներ ներգաղթած Ցեղասպանութենէն փրկուած հայերու յիշատակին
նուիրուած ցուցահանդէսը :
Նախագահ Սարգսեանը կղզիին մէջ հիւրընկալեցին եւ անոր
ուղեկցեցան Միացեալ Նահանգներու «Կազմակերպութիւններու ազգային ցեղային դաշինք»ի նախագահ
Նասեր Քազեմին, դաշինքի խորհուրդի անդամներ եւ ամերիկահայ ներկայացուցիչներ: Դաշինքի
նախագահ Նասեր Քազեմի նախագահ Սարգսեանին շնորհեց «Էլլիս Կղզի» պատուոյ մետալը` Միացեալ
Նահանգներու եւ Հայաստանի միջեւ յարաբերութիւններու զարգացման գործին մէջ հանրապետութեան
նախագահին ունեցած ներդրումին, Հարաւային Կովկասի մէջ խաղաղութեան պահպանման, անոր նուիրումին,
ինչպէս նաեւ Հայաստանի մէջ ներգաղթեալներու արդիւնաւէտ համարկման ուղղութեամբ գործունէութեան
համար:
Նշուեցաւ, որ պատուոյ մետալի շնորհման 25-ամեայ պատմութեան ընթացքին նախագահ
Սերժ Սարգսեան առաջին օտարերկրեայ ղեկավարն է, որ արժանացած է այդ պատիւին: Արդարեւ
մինչեւ այսօր դաշինքի «Էլլիս Կղզի» պատուոյ մետալով պարգեւատրուած հազարէն աւելի անձերու
շարքին եղած են Միացեալ Նահանգներու 6 նախագահներ, տասնեակ մը արտաքին գործոց նախարարներ,
ծերակուտականներ, քոնկրեսականներ, նոպելեան մրցանակակիրներ, արուեստագէտներ եւ ձեռնարկատէրեր: