Боснія і Герцагавіна: беатыфікацыя мучаніц ІІ Сусветнай вайны
24 верасня 2011 г.
у сталіцы Босніі і Герцагавіны, Сараеве, адбылася беатыфікацыя пяці законніц, вядомых,
як “мучаніцы з Дрыны”. Урачыстую беатыфікацыйную св. Імшу на алімпійскім стадыёне
ў Сараева ўзначаліў кардынал Анджэла Амата, прэфект Кангрэгацыі па справах Кананізацыі.
Беатыфікаваны
былі харватка Юлія Іванішэвіч, дзве славенкі Крысціна Баяніч і Антонія Фабіян, венгерка
Бернадэта Бан’я і аўстрыйка Берхман Лейдэнікс. Яны належалі да Кангрэгацыі Дачок Божай
Любові. Працуючы ў доме, у якім дапамаглі патрабуючым, бежанцам, сіротам незалежна
ад іх нацыянальнасці, яны ведалі аб існуючай небяспецы з боку сербскіх четніцаў,
членаў нацыяналістычнай партызанскай арганізацыі, якія набліжаліся да іх кляштара.
Законніцы не пакінулі свой дом і 11 снежня 1941 г., былі забіты сербскімі нацыяналістамі.
У
інтэрв’ю нашаму радыё кардынал Амата адзначыў, што гэтыя мучаніцы гавораць нам аб
тым, што ў гісторыі чалавецтва існуе вечная барацьба паміж Богам, крыніцай жыцця і
ворагамі Бога, старажытным змеям, крыніцай варожасці і смерці. “Гэтыя пяць новых благаслаўлёных
нагадваюць нам аб тым, што магчыма супраціўляцца злу, нават голымі рукамі, будучы
моцнымі верай. Можна перамагчы зло, даючы параніць сябе, але не адказваючы пагрозамі”,-
адзначыў іерарх.