Ish-Kancelari i Gjermanisë Federale, Helmut Josef Michael Kohl lindi në Ludvingshafen
në vitin 1930. Hyri në partinë CDU më 1947 dhe studioi histori, jurisprudencë e shkenca
politike në Universitetin e Frankfurtit e të Haidelbergut. Mbron doktoraturën në vitin
1958. Minister president i Renanisë-Palatinatit nga viti 1969 në vitin 1976, u zgjodh
në Bundestag dhe u bë kancelar në vitin 1982, vetëm për pjesën perëndimore të Gjermanisë.
Është europeist i bindur e qe ndër protagonistët kryesorë të bashkimit gjerman pas
rënies së komunizmit. Deri në vitin 1998 qe Kancelar, kësaj radhe i Gjermanisë së
bashkuar.