“Я не прыбыў сюды,
каб дасягнуць палітычных ці эканамічных мэтаў, як гэта робяць іншыя дзяржаўныя дзеячы,
але, каб сустрэцца з людзьмі і гаварыць пра Бога”, - на гэтыя словы Святога Айца,
сказаныя падчас прывітання Прэзідэнта Германіі Крысціяна Вульфа, звяртае ўвагу ватыканскае
выданне “L’Osservatore Romano”, у артыкуле прысвечаным аналізу першага дня падарожжа
Пантыфіка на Радзіму.
У артыкуле пад назвай, “Рэлігія і свабода”, галоўны рэдактар
“L’Osservatore Romano” Джаванні Марыя Віян, адзначыў, што у размове з журналістамі
падчас палёта ў Берлін Святы Айцец, на пытанне аб пратэстах супраць яго візіта, адказаў,
што “яны з’яўляюцца натыральнымі ў плюралістычным грамадстве і галоўнае, каб яны праходзілі
цывілізаваным чынам”.
Пішучы аб прызнанні Бэнэдыкта XVI у тым, што ён адчувае
глыбокую сувязь з культурай сваёй краіны, але таксама ўсведамляе сваю прыналежнасць
“да вялікай супольнасці Каталіцкага Касцёла, які штодзённа крочыць да civitas Dei,
апісаным у св. Аўгустынам”, Джаванні Марыя Віян дадае, што “гэты шлях ніколі не быў
лёгкім, і таксама сёння, у часах акрэсленых секулярызацыяй нават у краінах з глыбокай
хрысціянскай традыцыяй”.
“Яшчэ раз, Папа, без недагаворак выказаўся на тэму
сексуальных злачынстваў, і адзначыў, што разумее прычыны тых людзей, якія пакідаюць
Касцёл. “Зараз, вельмі важна, каб кожны задаў сябе пытанне – для чаго я ў Касцёле?
У гэтай перспектыве, трэба навучыцца глядзець на скандалы, а перш за ўсё змагацца
з імі”, - цытуе слова Пантыфіка “L’Osservatore Romano”.