Біскупы Канады звярнуліся
са спецыяльным зваротам да моладзі краіны, у якім адзначаюць, што “у сучасным свеце,
ахопленым спажывецтвам, накапленнем матэрыяльным багаццяў і дасягненнем прыбытку,
заўсёды важна памятаць аб каштоўнасці прастаты, дзялення і справядлівасці у імя Евангелля”.
Іерархі адзначаюць, што 2011 г., быў аб’яўляены ААН годам моладзі. Акрамя
таго, у Мадрыдзе прайшлі Сусветныя дні моладзі з папам Бэнээыктам XVI. Біскупы адзначаюць,
што зараз асабліва важна заахвочваць маладых католікаў да дзейнасці ў імя веры, каб
будаваць грамадства больш справядлівае і шчаслівае.
“Каталіцкі Касцёл падзяляе
паўсюдны пошук шчасця і міра для ўсяго чалавецтва, і падтрымлівае ўсіх людзей і групы,
які змагаюцца з беднасцю, хваробамі, несправядлівасцю, нероўнасцю, парушэннем правоў
чалавека і забруджваннем навакольнага асяродзя. Гэта сведчанне салідарнасці Касцёла
заснавана на любові Бога да чалавецтва, якую нам паказаў Хрыстус”, - пішуць канадскія
іерархі. Перад абліччам выклікаў сённяшняга свету, біскупы ўказваюць на Біблію, як
на “невычэрпны рэсурс натхнення ў цяжкія моманты”. “Для тых, хто жыве ў адзінстве
з Езусам Хрыстом, тое што з’яўляецца каштоўным, гэта вера, якая рэалізуецца праз любоў...
Дзейнасць на карысць сацыяльнай справядлівасці з’яўляецца канкрэтным спосабам аддаць
усяго сябе нашай веры і нашай любові, для таго, каб сведчыць аб хрысціянскай надзеі
ва ўсім свеце”, - пішуць каталіцкія іерархі Канады.