Përuruar më 1 gusht 1936 për Olimpiadën XI verore, “Reichssportfeld” (fusha sportive
e Rajhut) pësoi dëme të mëdha gjatë viteve të fundit të Luftës II Botërore. Në vitin
1945, Berlini pushtohet nga elatët e stadiumi bën pjesë në zonën e kontrolluar nga
britanikët. Pasi u rihap, më 1950, u pagëzua me emrin “Olympiastadion”. Më 8 shtator
1994 përfundon prania ushtarake britanike dhe Senati i Qytetit të Berlinit jep urdhër
për ristrukturimin e modernizimin e kompleksit sportiv, që përurohet më 2004 e merr
nga UEFA statusin e “stadiumit me 5 yje”. Në Olympiastadion është bërë Kampionati
Botëror i Futbollit i vitit 2006, Kampionati Botëror i Atletikës i vitit 2009 dhe
janë kremtuar Ditët Katolike (Katholikentage) e janë dhënë koncerte. Që nga viti 2005,
stadiumi organizon çdo vit, në shtator, kampionatin botëror të fishekzjarreve. Këtë
vit, nga 25 gusht deri më 27 tetor festohet 75-vjetori i themelimit. Në stadium mund
të hyjnë 74 mijë vetë. Këtu e pati kremtuar meshën më 23 qershor 1996, edhe Papa i
lum Gjon Pali II, gjatë vizitës në Gjermani, me rastin e lumnimit të Karl Leisner
e të Bernhard Lichtenberg