Lindi në Hamburg, në vitin 1954, bijë e një pastori luteran dhe e një mësueseje të
anglishtes e të latinishtes. Merr pjesë si e re, në lëvizjen rinore socialiste. Ka
marrë doktoraturën në fizikë në Universitetin e Lipsies dhe deri në vitin 1990, ka
punuar në Institutin Qendror për Kiminë Fizike të Akademisë së Shkencave në Berlin-Aldershof.
Pas rënies së Murit të Berlinit, bëhet anëtare e partisë “Rizgjimi Demokratik” e në
vitin 1990 zgjidhet në Bundestag. Në periudhën 1991-98, ka pasur detyra të ndryshme
ministrore dhe ka qenë zv.presidente e Partisë, për t’u bërë presidente në vitin 2000.
Nga 22 nëntori 2005 është zgjedhur kancelare e Gjermanisë, mandat, që u rinovua në
vitin 2009, në 20 vjetorin e ribashkimit të vendit. Është e martuar për herë të dytë
me zotin Joakim Sauer, pedagog universitar i kimisë. Merkel është mbiemri i bashkëshortit
të parë.