16 верасня адбылася
прэзентацыя новага турыстычнага маршрута па “зялёным сэрцы” горада-дзяржавы Ватыкан
– па знакамітых Ватыканскіх садах. Маршрут быў распрацаваны Рымскай пілігрымскай ініцыятывай
сумесна з Дзяржсакратарыятам Апостальскай Сталіцы, і прадугледжавае маленькае падарожжа
на адкрытым мініаўтобусе па асноўных славутасцях Ватыканскіх садоў.
У інтэрв’ю
нашаму радыё прэс-сакратар Рымскай ініцыятывы пілігрымак Елена Грацыні расказала,
што ідэя нарадзілася з жадання пазнаёміць усіх турыстаў, якія прыбываюць у Вечны
горад з таямніцамі Ватыканскіх садоў.
“Пачынаючы ад плошчы св. Марты, маршрут
пралягае ўверх і дае магчымасць пабачыць цудоўныя краявіды, якія ляжаць на шляху.
Адсюль адкрываецца цудоўны від на купал базылікі св. Пятра, Лурдскую гроту ў Ватыкане.
Прадугледжаны, таксама прыпынкі, як напрыклад перад капліцай Панны Марыі Гвардзейцаў,
ці яшчэ Панны Марыі Фацімскай і Гвадэлупскай. Таксама прадугледжны іншыя прыпынкі.
Напрыклад перад Палацам Губернатарыята, тэхнічнай сядзібай Ватыканскага радыё і Ватыканскай
чыгуначнай станцыяй. І канешне гэта цудоўная магчымасць пазнаёміцца з прыгажосцю Ватыканскіх
садоў і многіх іншых прыгожых месцаў, як напрыклад з фантанам Аквілона, схаваным ў
зеляні”, - расказала прэс-сакратар Рымскай ініцыятывы пілігрымак.
Елена Грацыні,
расказала, што прыцягласць экскурсіі каля адной гадзіны, а білеты для наведвання Ватыканкіх
садоў можна набыць у офісе Рымскай ініцыятывы пілігрымак, які знаходзіцца каля плошчы
св. Пятра. Іх кошт складае 12 еўра для дарослых, 8 еўра для дзяцей. Для тых пілігрымаў,
якія яшчэ не дасягнулі шасцігадовага ўзроста ўваход бесплатны.